असे अनेक आजार आहेत ज्यांचा पुरुषांपेक्षा स्त्रियांना जास्त त्रास होतो. अनेक लहानसहान आजारांकडे महिला दुर्लक्ष करत असल्याचे अनेकदा दिसून येते. पुढे हे किरकोळ आजार गंभीर रूप घेतात आणि काही वेळा उपचार करूनही उपयोग होत नाही. (Health Tips) खरं तर, शरीर काही रोगांबद्दल धोक्याची सुचना देते, ज्याकडे कधीही दुर्लक्ष करू नये. अनेक गंभीर आणि जीवघेणे आजार त्यांच्या सुरुवातीच्या अवस्थेत समजून घेऊन त्यांच्यावर वेळीच उपचार केल्यास जीवाला धोका कमी होऊ शकतो, असे डॉक्टर आणि तज्ज्ञांचे मत आहे. ( Doctor explained 5 problems women do not ignore that could be symptoms of severe disease)
पोट फुगणे, पोटदुखी, वजन वाढणे, केस गळणे, अंगदुखी, थकवा, अशक्तपणा या लक्षणांकडे अनेक महिला नेहमी दुर्लक्ष करतात असे अनेकदा दिसून येते. खरं तर, ही चिन्हे आहेत ज्यावर वेळेवर उपचार करणे आवश्यक आहे. ही अशी लक्षणे आहेत जी काही सामान्य आरोग्य समस्यांचे लक्षण असू शकतात आणि त्याकडे दुर्लक्ष केले जाऊ नये. 28 मे रोजी आंतरराष्ट्रीय महिला आरोग्य दिन साजरा केला जाणार आहे. प्रोफेसर डॉ. शिव गौतम (संचालक, गौतम इन्स्टिट्यूट ऑफ बिहेवियरल सायन्सेस, जयपूर) अशा काही लक्षणांबद्दल माहिती देत आहेत, जी तुम्हाला जाणवल्यास तत्काळ डॉक्टरांकडे जावे. (Women’s Health Tips)
१) वजन वाढणं, कमी होणं
जास्त वजन आणि कमी वजन ही दोन्ही धोक्याची चिन्हे आहेत. वजन वाढणे हे केवळ खाण्यापिण्याच्या, चुकीच्या सवयी किंवा अनियमित जीवनशैलीचा परिणाम नाही. हे हायपरथायरॉईडीझम किंवा PCOS मुळे असू शकते. आपण हे लक्षण गांभीर्याने घेतले पाहिजे.
२) थकल्यासारखं वाटणं
ही सर्वात सामान्य आरोग्य समस्यांपैकी एक आहे ज्याकडे स्त्रिया लक्ष देत नाहीत. अर्थात, घर आणि ऑफिसच्या कामांमुळे तुम्हाला थकवा येतो, पण आठ तासांची शांत झोप घेऊनही थकवा जाणवत असेल, तर लगेच आरोग्य तपासणी करून घ्यायला हवी. सतत थकवा येणे हे हृदय, मूत्रपिंड, यकृत, रक्ताशी संबंधित समस्यांचे लक्षण असू शकते.
३) श्वास घ्यायला त्रास, चक्कर येणं
सतत कामाच्या ताणामुळे ही लक्षणे जाणवणे सामान्य आहे, परंतु जर तुम्ही या विकारांनी वारंवार त्रास होत असाल तर ते हृदयाच्या समस्या किंवा जीवनसत्व आणि लोहाच्या कमतरतेचे एक चिंताजनक लक्षण असू शकते. यामुळे तुम्हाला हृदयविकाराच्या झटक्यासह स्ट्रोकचा धोका वाढू शकतो.
४) केस गळणं
एका दिवसात सुमारे 50-100 केस गळणे सामान्य मानले जाते. जर रोज यापेक्षा जास्त केस गळत असतील तर त्याकडे दुर्लक्ष करू नका. असे केस गळणे हे सहसा स्वयंप्रतिकार रोग, थायरॉईड इत्यादी अंतर्गत रोगांचे लक्षण असते.
५) सुज येणं (ब्लोटिंग)
सुज येणं ही सर्वात सामान्य आरोग्य समस्यांपैकी एक आहे. तुमच्या मासिक पाळीच्या दरम्यान किंवा त्याआधी फुगल्यासारखे वाटणे अगदी सामान्य आहे, परंतु जेव्हा तुम्हाला दोन आठवड्यांपेक्षा जास्त काळ पोट फुगल्याचा अनुभव येतो तेव्हा ते सामान्य नसते. फुगलेले पोट हे एंडोमेट्रिओसिसच्या प्रमुख लक्षणांपैकी एक आहे, अनियमित आणि वेदनादायक मासिक रक्तस्त्राव, संभोग दरम्यान वेदना इत्यादीशी संबंधित असते